Vallvarður kallaður Valli

Göngutúr í góðviðrinu

Fór í dag í smá göngutúr um Auckland. Labbaði í átt að Victoria Park sem er einn af tveimur stórum almennings görðum í stuttu göngufæri frá mér. Leið mín lá þvert yfir Queens Street, sem er Laugavegur þeirra Auckland búa. Þar var einmitt í gangi mótmælaganga. Hún hefði einmitt sómað sér vel á Íslandi því þáttakan var svo lítil. Eiginlega má segja að þessi ganga hefði örugglega öfug áhrif á flesta sem voru þarnar því hún gerði lítið til að vekja áhuga manns á þessu málefni. (Auðvitað var verið að biðja um hærri laun.)

Þegar ég kom í Victoria Park rakst ég á Aucklands útgáfuna af Kolaportinu. Þetta er flóamarkaður sem er staðsettur í einhversslags gömlu verksmiðjuhúsnæði. Frekar fyndið að koma þarna inn. Varð eiginlega strax hugsað til Tótu því ég er alveg viss um að hún myndi hafa gaman að sjá þetta. Verð reyndar að viðurkenna að þetta var ekki mjög stórt, eiginlega jafn stórt ef ekki minna en Kolaportið. Þarna inni var þó reyndar eitt frekar skondið. Það var hægt að leigja eftirlíkingar af fötum frá miðöldum. Ég er að spá í að halda afmælið mitt þannig....

Á leiðinni heim rölti ég í gegnum bryggjuhverfi. Þarna voru ýmsar snekkjur og skútur en aðallega í stærri kantinum. Ein hefði sómað sér vel sem snekkjans hans Lex Luthor í Superman. Ég held að pabbi ætti að tala við hann Gísla hafnarstjóra og benda honum á að í Auckland séu rosalega flott bryggjuhverfi sem pabbi verði að skoða áður en þær endurhann allt Mýrargötu svæðið...bara hugmynd. Annars var eitt húsið þarna rosalegt. Þetta voru allt fjölbýlishús og viðkomandi hús var með opið svæði í miðjunni þar sam hægt var að legja snekkjunum. Síðan var skipastigi sem tengdi allt heila klabbið við höfnina. Það var alla vega óhætt að segja að maður horfði með öfund á alla þessa báta og ekki laust við að maður hafi byrjað að reyna að finna leiðir til að útvega sér nægjanlega mikin pening til að setjast þarna að.

posted by Vallvarður @ 04:37