Vallvarður kallaður Valli

Jæja, loksins gaf ég mér tíma til að setja inn allar myndirnar sem ég taldi að þið hefðuð gaman að því að kíkja á. Þetta eru auðvitað ekki allar myndirnar sem ég tók en þið getið alveg séð svona hvað fyrir augun mín bar á ferðalaginu.

Annars hafa síðustu dagar verið frekar letilegir, sem er eiginlega það eins sem minnir mann á að það séu jól. Fórum reyndar í eitt jólaboð sem var annsi gott en annars elduðum við bara góðan mat á aðfangadag og tókum því síðan rólega.

Síðustu daga höfum við síðan líka notað til að leita okkur að húsnæði, þar sem að við munum ekki fá inngöngu á Railway næstu önn. Erum rétt byrjaðir en höfum alla vega kíkt á eitt hús sem kemur vel til greina. Reyndar er það lengra frá en það gæti verið skemmtilegra að vera þar en á Railway. Sérstaklega að fá almennilegt internet....